Мемлекет басшысы Қасым-Жомарт Тоқаев Қазақстан халқын Ораза айт мерекесімен құттықтады. Бұл туралы Ақорда мәлім етті.
"Қадірлі отандастар!
Ораза айт мейрамы құтты болсын!
Татулық пен бауырмалдық, жақсылық пен игілік салтанат құратын осы қастерлі мерекенің барша мұсылман қауымы үшін мән-маңызы айрықша.
Рамазан айында имандылыққа, рухани тазаруға ұмтылған жұртымыз Айт күні ақ дастархан жайып, қонақжайлық көрсетеді. Бір-біріне ізгі тілегін арнайды. Мұқтаж жандарға көмек қолын созып, қамқорлық танытады. Сол арқылы адамгершілік құндылықтар қоғамымызда терең орныға түседі.
Ораза айт мерекесінің тағылымы ата салтымызбен терең сабақтасып жатыр. Біздің дініміз де, дәстүріміз де азаматтарды бірлік пен ынтымаққа үндейді, өзара сыйлас болуға шақырады. Осы қасиеттеріміз барда халқымыздың Әділетті, Қауіпсіз, Таза әрі Қуатты Қазақстанды құру туралы арман-мұраты орындалатынына кәміл сенімдімін.
Баршаңызға бақ-береке тілеймін! Әр шаңыраққа құт-береке дарысын!
Айт қабыл болсын, ағайын!"
Читайте новости по меткам:
горячие новости 553 Барыс 351 Президент Казахстана 247 Город Астана 166 погода 151 хоккей 126 зимняя Азиада-2025 126 новости министерств 119 доллар 97 Алматы 87 праздники 84 футбол 78 дети 68 даты 67 налоги 64 Эксклюзив 56 громкие дела 56 Авиакатастрофа в Актау 56 армия 54 ДТП 48 НДС 48 пожары 46 АЭС в РК 41 Китай 41 школы 40 Минздрав 40 дороги 40 МВД 40 обвал тенге 40 акимы 39
