Мемлекет басшысы Қасым-Жомарт Тоқаев Құрбан айт мерекесімен құттықтады, деп хабарлайды Ақорданың баспасөз қызметі
Bestnews.kz агенттігі оқырман назарына құттықтау мәтінін ұсынады.
Ардақты ағайын!
Сіздерді күллі мұсылман қауымы үшін қастерлі Құрбан айт мерекесімен шын жүректен құттықтаймын! Бұл – қайырымдылық пен жанашырлық, ізгілік пен имандылық сияқты асыл қасиеттерді дәріптейтін ұлық мейрам. Салт-дәстүрімізбен берік ұштасқан ата дініміз – елдің рухани тұтастығын сақтауға ықпал ететін басты құндылықтың бірі. Құрбан айт қашанда барша жұртты береке-бірлікке үндейді. Ел азаматтарын бауырмал болуға шақырып, бүкіл халқымыздың ырыс-ынтымағын арттырады. Мұсылман баласы бұл күндері отбасы амандығы мен ел тыныштығы үшін құрбандық шалып, жоқ-жітікке көмектеседі, мұқтаж жандарға қамқорлық танытады.
Осындай ізгі ниет пен сауапты іс ел-жұрттың бір-бірімен етене араласуына, өзара сыйластық пен жақсылыққа жол ашады. Құрбан айттың ұлағаты мен өнегесі біздің рухани құндылықтарымызбен үндеседі. Бүгінгі мерекенің мән-маңызы осында деп білемін. Шалған құрбандықтарыңыз, дұға-тілектеріңіз қабыл болсын! Айттан айтқа аман-есен жете берейік!
Читайте новости по меткам:
горячие новости 412 Барыс 367 Город Астана 215 Президент Казахстана 199 Олимпиада-2024 130 зимняя Азиада-2025 126 хоккей 122 Алматы 121 погода 103 новости министерств 95 футбол 88 доллар 84 дети 83 происшествия 66 праздники 63 бокс 61 пожары 56 Авиакатастрофа в Актау 55 паводки 53 Куандык Бишимбаев 52 школы 52 дороги 52 Эксклюзив 52 МВД 51 налоги 51 Шымкент 45 нефть 42 КХЛ 40 армия 40 коррупция 39
