Сметов Олимпиада ойындарының қола жүлдегері атанды
Дзюдодан Токио Олимпиадасының қола жүлдегері атанған Елдос Сметов Olympic.kz сайтына сұхбат беріп, екінші Олимпиададағы екінші медаліне қатысты ойымен бөлісті. Олимпиада жүлдегерінің айтуынша, ол Токио төрінен абыроймен оралу үшін бар күшін салған, деп хабарлайды Bestnews.kz.
«Шыны керек, мен қола емес, алтын аламын деп келдім. Рио Олимпиадасынан кейін татамиден алыстап кетпей, үлкен спортта қалуымның да бір себебі осы еді. Күмістен кейін алтын алғым келді. Еліміздің әнұранын шарықтатып, көк байрағымызды биіктен көруді армандадым. Сол үшін тынбай еңбек еттім де. Бірақ маған бұйырып тұрғаны қола жүлде екен.
Мен барымды салдым, дедi Елдос.
"Ал келесі Олимпиада туралы не айтуға болады? Париж Олимпиадасына бару-бармауым жайлы ештеңені кесіп айта алмаймын. Өте ауыр сұрақ. Маған әлі тынығып, денсаулығымды дұрыстау керек. Сіздерге көрінбегенмен, менің ғана жаныма бататын жарақаттар бар. Соларды емдеу керек. Жоғарыда айттым, менің арманым – Олимпиада алтынын алу. Міне, екінші Олимпиадада алтынға сынық сүйем жерден тоқтап отырмын. Мен алмасам ба, менің бауырларым, қазақ дзюдошылары Олимпиада чемпионы атанса, содан артық бақыт жоқ!"
ФОТО: Жеңіс Ысқабай, Қазақстан ҰОК
Читайте новости по меткам:
горячие новости 384 Барыс 372 Город Астана 205 Президент Казахстана 205 Олимпиада-2024 133 зимняя Азиада-2025 126 хоккей 119 Алматы 116 паводки 108 погода 99 Куандык Бишимбаев 96 новости министерств 93 футбол 86 дети 84 доллар 75 происшествия 68 бокс 59 праздники 56 Авиакатастрофа в Актау 55 школы 54 дороги 51 налоги 49 пожары 49 Эксклюзив 48 МВД 44 КХЛ 43 нефть 42 армия 39 Шымкент 38 коррупция 37
