ҚР Сыбайлас жемқорлыққа қарсы іс – қимыл Агенттігінің Ақтөбе облысы бойынша департаменті және «Ақтөбе – адалдық алаңы» жобалық кеңсесі Абай Құнанбайұлының 175 жылдығына орай ақынның танымдық кешін өткізді, деп хабарлайды Bestnews.kz.
Шараға Департамент басшысы Мирлан Мұхамбетов, департамент басшысының бірінші орынбасары Ғалымбек Досанов, Департамент жанынан құралған ақпараттық – ағартушылық штаб мүшесі, танымал әнші Светлана Айтбаева, Т.Ахтанов атындағы қазақ драма театрының директоры Олжас Ибраев және қаламыздың ЖОО және колледж студенттері қатысты.
Танымдық кештің басты мақсаты - Ұлы ақынның өнегелі өмірімен таныстырып, өлеңдері, әндері арқылы адамгершілік қасиеттерге тәрбиелеу, жастарды Абай шығармаларын талдай отырып имандылыққа, асыл қасиеттерге баулу және туған жердің тарихы мен тілінің қадір-қасиетін ұғындыру, өскелең ұрпақ пен аға буын арасында сауатты ұрпақтар сабақтастығын қалыптастыру.
Шара барысында департамент басшысы Мирлан Мұхамбетов Абайдың қара сөздерін оқып, қатысушылармен талқыға салып, Абайдың ұлы тұлға екендігін тағы да бір мәрте айта кетті. Ал Ақтөбе көлік коммуникация және жаңа технология колледжінің жас ақындары Ідірісов Мақсат және Тілепбергенова Гүлім Абайға арнап жазған өлендерін тарту етті.
Сонымен қатар кештің құрметті қонағы жерлесіміз, біртуар әнші Димаш Құдайбергеновтың анасы Светлана Айтбаева Абайдың өлеңдерімен байланысты жастық шағындағы қызықты кездерімен бөлісіп, ғұлама ақынның «Желсіз түнде жарық-ай» әнін қатысушылармен бірге шырқады.
Кеш соңында Департамент басшысы барша қатысушыларды «1-наурыз Алғыс айту» күнімен құттықтап, нәзік жанды аруларға гүл шоқтарын сыйлады.
Читайте новости по меткам:
горячие новости 496 Барыс 369 Президент Казахстана 221 Город Астана 194 хоккей 141 погода 132 зимняя Азиада-2025 127 новости министерств 110 Алматы 103 доллар 102 праздники 83 дети 81 налоги 63 армия 61 пожары 58 происшествия 57 Авиакатастрофа в Актау 55 Эксклюзив 54 футбол 54 школы 52 МВД 50 даты 45 дороги 44 бокс 43 нефть 43 обвал тенге 43 Олимпиада-2024 42 акимы 42 АЭС в РК 41 КХЛ 40
